Bang Bang

Bang Bang කියන්නේ ඉස්සරහට එන්න තියෙන ක්‍රියාදාම වලින් පිරිච්ච ෆිල්ම් එකක්.සිද්ධාර්ත් රාජ් ආනන්ද් විසින් අධ්‍යක්ෂණය කරනු ලබන මෙම චිත්‍රපටය සඳහා ෆොක්ස් ස්ටාර් ස්ටුඩියෝ නිෂ්පාදනයෙන් දායක වෙනවා. මෙය ටොම් කෘස් රඟන  Knight and Day චිත්‍රපටයේ යලි නිෂ්පාදනයක් ලෙස හදුන්වන අතර මෙහි ප්‍රදාන චරිතයන් වන හර්ලීන් ශානි ලෙස කත්රිනා කයිෆ්ද, රාජ්විර් නන්ද ලෙස රිතික් රෝෂනුත් රංගනයෙන් දායක වෙනවා. ස්ථාන කිහිපයකම රූගත කිරීම් සිදු කර ඇති මෙම චිත්‍රපටය මනාලි පදේශය මූලික කරගනිමින් නිෂ්පාදනය කර තිබෙනවා. 2013 වසරේ මැයි මාසයේදී ආරම්බ කරන ලද මෙම චිත්‍රපටය අතරතුර දර්ශනයක් රූගත කිරීමේදී සිදුවූ අනතුරක් හේතුවෙන් රිතික් රෝෂන් හට මොළයෙහි රුධිර කැටියක් ඉවත් කිරීමේ සැත්කමකටද මුහුණදීමට සිදුවී තිබේ. එම හේතුවෙන් අතරමඟ නැවතුනු නිෂ්පාදන කටයුතු යලිත් 2014 වසරේ ජනවාරි මාසයේදී යලි ආරම්බ කර ඇති අතර මෙම චිත්‍රපටය මෙම වසරේ ඔක්තෝම්බර් 2 වෙනිදා නිකුත් කිරීමට නියමිතයි. මෙහි ඇතුලත් ක්‍රියාදාම සහිත කොටස් වල අසීරු අවස්ථා රූගත කිරීම්ද රිතික් රෝෂන් විසින්ම සිදු කර ඇති බවයි වාර්තා වෙන්නේ.